Türkmenistan “Hytaý - Merkezi Aziýa” 10-njy hyzmatdaşlyk forumyna gatnaşýar
Türkmenistanyň Hytaýdaky ilçisi Parahat Durdyýew Hytaýyň gündogaryndaky Fuszýan welaýatynyň Sýamen şäherinde şu gün açylan “Hytaý - Merkezi Aziýa” 10-njy hyzmatdaşlyk forumyna gatnaşýar.
HHR-niň Başlygy Si Szinpin foruma gatnaşyjylara gutlag hatyny iberdi.
Iki günlük forum ŞHG-niň hoşniýetli goňşuçylyk, dostluk we hyzmatdaşlyk boýunça Hytaý komiteti, şeýle hem Fuszýan welaýatynyň Halk Hökümeti tarapyndan guraldy. Bu çäre Hytaýyň we Merkezi Aziýa ýurtlarynyň wekillerine diplomatik gatnaşyklaryň ýola goýlan pursatyndan bäri geçen ýyllarda gazanylan ösüşi ara alyp maslahatlaşmak hem-de hyzmatdaşlygy mundan beýläk-de ösdürmegiň ýollaryna garamak üçin mümkinçilik berer.
Çäre özünde dört bölümçeleri – “Hytaý - Merkezi Aziýa” zenanlaryny ösdürmek boýunça Forumy, bu forumda Türkmenistanyň Kärdeşler Arkalaşyklarynyň Milli merkeziniň başlygy Akjemal Durdyýewa çykyş etdi, Sanly ykdysadyýeti ösdürmek boýunça forumy, Doganlaşan şäherleriň hyzmatdaşlygy we ynsanperwer alyşmalar boýunça forumy hem-de Guryýer-deňiz özara baglanyşygyny we senagat taýdan kooperirleşmegi ösdürmek boýunça forumy özünde jemleýär.
Bu forumlara şeýle hem Türkmenistanyň wekiliýetiniň agzalary gatnaşdylar. Zenanlary ösdürmek boýunça başlangyçlar öňe sürüldi.
ORIENT news
