Parižde türkmen tarapynyň wekilleri bilen onlarça biznes-duşuşyklary we gepleşikleri geçirildi
4-5-nji sentýabr aralygynda Parižde türkmen delegasiýasynyň agzalary bilen fransuz işewür toparlarynyň wekilleriniň arasynda onlarça işewürlik duşuşygy geçirildi.
Hususan-da, “Fransiýa-Türkmenistan” söwda palatasynyň, lukmançylyk hyzmatlaryny üpjün edijileriň French Healthcare ulgamynyň, maliýe düzümleriniň Coface, UBAF, Société Générale CIB we Credit Agricol, Landşaft arhitektorlary federasiýasy IB2C France we Cifal, Thales, Airbus, Totalenergies, MBDA, Bouygues, Vinci ýaly başga-da birnäçe kompaniýalaryň wekilleri bilen ikitaraplaýyn gepleşikler geçirildi.
Türkmenistanyň diplomatik wekilhanasynyň metbugat gullugy saparyň netijeleri barada "Özara gatnaşyklaryň giň topary ara alnyp maslahatlaşyldy, hyzmatdaşlygyň geljegi uly ugurlary kesgitlendi" -diýip belleýär.
Garaşsyzlyk ýyllarynda fransuz kompaniýalary Türkmenistanyň ykdysadyýetiniň dürli ugurlarynda iri taslamalary durmuşa geçirmekde ýurdumyzyň ygtybarly hyzmatdaşlaryna öwrüldi. Häzirki wagtda fransuz işewürligi, energiýa, nebit we gaz, oba hojalygy, gurluşyk, saglygy goraýyş, bilim, medeniýet we syýahatçylyk ýaly köp sanly türkmen bazarynda hereket edýär.
ORIENT news
