Aşgabat we Abu-Dabi talyplaryň-diplomatlaryň çalyşyk tejribesini girizmek isleýärler
Türkmenistanyň Daşary işler ministri Raşid Meredow, Aşgabat şäherine sapar bilen gelen BAE-nyň Anwar Gargaş diplomatiýa akademiýasynyň baş müdiri Nikolaý Mladenow bilen gepleşik geçirdi.
Anna güni Daşary işler ministrliginde geçirilen duşuşykda Meredow bu saparyň türkmen ýokary okuw jaýlary bilen Anwar Gargaş diplomatiýa akademiýasynyň arasyndaky hyzmatdaşlygy güýçlendirmek nukdaýnazaryndan ähmiýetini nygtady.
Hususan-da, ministr Türkmenistanyň Daşary işler ministrliginiň Halkara gatnaşyklar instituty bilen BAE Diplomatik akademiýasynyň arasyndaky hyzmatdaşlygyň ýol kartasyny işläp düzmegi we gol çekmegi teklip etdi diýip, Daşary işler ministrliginiň metbugat gullugy habar berýär.
Taraplaryň pikirine görä, özara gatnaşyklaryň möhüm taraplaryndan biri talyp alyş-çalyş tejribesini ornaşdyrmak, ýaş diplomatlar üçin kurslary guramak we bilelikdäki bilim taslamalaryna we maksatnamalaryna gatnaşmakdyr.
Ozal diplomatlary taýýarlamak babatynda BAE bilen Türkmenistanyň arasyndaky gatnaşyklary giňeltmek üçin şu güýzde Türkmenistanyň Daşary işler ministrliginiň HGI-nyň ýolbaşçylarynyň, mugallymlarynyň we talyplarynyň Abu-Dabi, AGDA-a tanyşdyryş okuwynyň (Anwar Gargaş diplomatiýa akademiýasy) guraljagy habar berildi.
Türkmenistanyň Prezidentiniň 2022-nji ýylyň noýabr aýynda BAE-de eden saparynyň çäginde Türkmenistanyň Daşary işler ministrliginiň Halkara gatnaşyklar instituty we Anwar Gargaşyň adyndaky Diplomatik akademiýasy özara düşünişmek Ähtnamasyny baglaşdylar.
ORIENT news
