Türkmen ýüzüjileri Ysraýylda ýetginjekleriň dünýä çempionatyna gatnaşýarlar
Sentýabr 06, 2023 | 12:21 |5581
Türkmen türgenleri 5-nji sentýabrda Netanida (Ysraýyl) başlanan ýetginjekleriň ýüzmek boýunça dünýä çempionatyna (U18) gatnaşýarlar.
Türkmenistanyň Suwdaky sport görnüşleriniň federasiýasynda ORIENT habarçysyna aýdylyşy ýaly, türkmen toparynyň düzümini Dawid Akobýan, Selim Nazarow, Aýnura Primowa we Anastasiýa Morgenştern düzdi. Milli ýygyndynyň baş tälimçisi Mark Pilýugindir.
Türkmen toparynyň wekilleri tejribeli türgenler bolup, olar dürli halkara ýaryşlaryna gatnaşyjylar we ýeňijilerdir.
Bäsleşige dünýäniň 95 ýurdundan takmynan 700 türgeniň gatnaşjakdygyny bellemelidiris. Ýaryş 9-njy sentýabrda tamamlanar.
ORIENT news
