BSGG Türkmenistanyň mekdeplerinde arassaçylyk gönükmelerini geçmek boýunça okuwlary gurady
Bütindünýä Saglygy Goraýyş Guramasy Türkmenistanyň umumybilim berýän mekdeplerinde arassaçylyk gönükmelerini öwretmek boýunça okuwlary geçdi.
Guramanyň Türkmenistandaky wekilhanasy tarapyndan guralan okuwlara Saglygy goraýyş we derman senagaty ministrliginiň, Bilim ministrliginiň, Döwlet sanitar-epidemilogiýa gullugynyň wekilleri hem-de M.Garryýew adyndaky Türkmenistanyň Döwlet lukmançylyk uniwersitetiniň professor mugallymlary gatnaşdylar.
Okuwlara gatnaşyjylar BSGG-niň ýörelgeleri esasynda çagalara sagdyn durmuş ýörelgelerini öwretmegiň, sanjym işleri boýunça okuwlary geçmegiň usullaryny öwrendiler. Şeýle hem, arassaçylyk-epidemiologiýa çärelerini alyp barmagyň usullary bilen tanyşdylar.
Okuwlar BSGG-niň Ýewropa sebiti boýunça edarasynyň bilermenleri tarapyndan wideoaragatnaşyk görnüşde geçirildi.
ORIENT news
