Diplomatik wekilhanalaryň arasynda kiçi futbol boýunça geçirilen ýaryşda Türkmenistanyň topary ikinji orny eýeledi
1 – 6-njy sentýabrda Täjigistanyň Garaşsyzlyk güni mynasybetli kiçi futbol boýunça ýurduň Daşary işler ministrliginiň Kubogyny almak ugrunda geçirilen ýaryşda Türkmenistanyň we Gazagystanyň bilelikdäki ýygyndysy 2-nji orny eýeledi. Bu barada Türkmenistanyň Täjigistandaky diplomatik wekilhanasy habar berýär.
Ýaryşa Eýranyň, Russiýanyň, ABŞ-nyň we birnäçe halkara guramalaryň wekilhanalarynyň, şol sanda Täjigistanyň Daşary işler ministrliginiň toparlary gatnaşdylar.
Ýaryşyň netijelerine laýyklykda, baş baýragy ýer eýeleri – Täjigistanyň Daşary işler ministrliginiň ýygyndysy, ikinji orny Türkmenistanyň we Gazagystanyň bilelikdäki ýygyndysy, üçünji orny hem Russiýa Federasiýasynyň ýygyndysy eýelediler. Täjigistanyň daşary işler ministriniň orunbasary Sodik Imomi ýeňijilere baýraklary gowşurdy.
ORIENT news
