Türkmen tennisçisi Aziýa çempionatynyň ýarym finalyna çykdy
Türkmen tennisçisi Ilima Guseýnowa ýetginjekleriň arasynda (U-14) tennis boýunça Aziýa çempionatynda üstünlikli çykyş etmegi dowm edýär. Kamboja döwletiniň Pnompen şäherinde geçirilýän çämpionata Aziýa we Okeaniýa döwletlerinden iň gowy 25 tennisçi gatnaşýar.
Ýarym finala çykmak üçin geçirilen çekeleşikli duşuşykda, ol hindistanly bäsdeşi Diýa Rameşi 7:6, 1:6, 6:4 hasabynda ýeňmegi başardy. Ondan ozalky duşuşyklarda ildeşimiz Özbegistandan Emili Kimi we Hindistandan Surýanşi Şekhawaty ýeňdi.
Ýarym finalda ildeşimiz tailandly garşydaşy Tarita Hongsýok bilen duşuşar. Ilima Guseýnowa ýurdumyzyň ezber ýaş tennisçileriniň biridir. Ol bu sport bilen tälimçi Miraly Gasanowyň ýolbaşçylygynda “Aşgabat” tennis akademiýasynda türgenleşik geçýär. Ol häzirki wagtda Halkara tennis federasiýasynyň 14 ýaşa çenli iň güýçli türgenleriniň sanawynda 13-nji orny eýeleýär.
ORIENT news
