Türkmenistan bilen Saratow oblastynyň arasyndaky hyzmatdaşlygyň esasy ugurlary ara alnyp maslahatlaşyldy
Türkmenistanyň Russiýa Federasiýasynyň Kazan şäherindäki baş konsuly Saratow oblastynda Şunuň bilen baglylykda, saparynda bolup, bu oblastyň Söwda-senagat edarasynyň başlygy Alekseý Antonow we ykdysady ösüş ministri Andreý Razborow bilen gepleşikleri geçirdi.
«СарИнформ» neşiriniň mälim etmegine görä, taraplar hyzmatdaşlygyň esasy 3 ugruna: metallurgiýa, nebitgaz enjamlary, ýokary bilim we syýahatçylyk ugurlaryna ünsi çekdiler. Şeýle hem, geljek ýylda Türkmenistanyň işewürlik wekiliýetiniň Saratow oblastyna saparyny guramak mümkinçilikleri ara alnyp maslahatlaşyldy.
Oblastyň Söwda-senagat edarasynyň başlygy Antonowyň bellemegine görä, Türkmenistan Russiýa üçin halkara bazarynda gyzyklanma döredýän hyzmatdaşydyr. Iki ýurduň işewürleriniň özara saparlarynyň guralmagy möhümdir. Şunuň bilen birlikde, hyzmatdaşlara bilim we syýahatçylyk pudaklaryndaky hyzmatdaşlyk özüneçekiji bolup biler.
Türkmen diplomaty öz gezeginde, Türkmenistanda işewürligi ösdürmek üçin ähli mümkinçilikleriň döredilýändigini belledi. Munuň şeýledigine türkmen işewürleriniň Russiýanyň sebitleri bilen alyp barýan hyzmatdaşlyklary hem şaýatlyk edýär.
ORIENT news
