Türkmen wekiliýeti GDA döwletleri bilen BMG-niň Baş Assambleýasynyň 78-nji sessiýasynda öňe sürüljek teklipleri ara alyp maslahatlaşdy
Türkmenistanyň wekiliýeti Garaşsyz Döwletleriň Arkalaşygyna agza döwletleriň wekilleri bilen öňde boljak BMG-niň Baş Assambleýasynyň 78-nji sessiýasynda öňe sürüljek teklipleri we bu boýunça işleri utgaşdyrmak meselelerini ara alyp maslahatlaşdy.
Türkmen we beýleki döwletleriň wekilleri ileri tutulýan ugurlary, 2030-njy ýyla çenli Durnukly ösüş maksatlaryna ýetmek boýunça ählumumy Gün tertibini durmuşa geçirmek boýunça meseleleri ara alyp maslahatlaşdylar we BMG-niň Baş Assambleýasynda ses berilşik esasynda saýlanýan ýerler üçin birek-biregi goldamagy ylalaşdylar.
Taraplar şu formatda geljekde hem daşary işler ministrlikleriniň arasynda özara geňeşmeleri geçirmegiň ähmiýetlidigini nygtadylar. Türkmenistan öňde boljak BMG-niň Baş Assambleýasynyň 78-nji sessiýasynda ählumumy howpsuzlygy üpjün etmek we Durnukly ösüş maksatlaryna ýetmek babatda birnäçe başlangyçlary öňe sürer.
ORIENT news
