Türkmenistanyň Ýokary kazyýetine kazy bellendi
Sentýabr 07, 2023 | 11:29 |12184
Ahal welaýatynyň Babadaýhan etrap kazyýetiniň kazysy wezipesinde işlän Tawus Handurdyýewa Türkmenistanyň Ýokary kazyýetiniň kazysy wezipesine bellendi. Bu boýunça degişli Karara Prezident Serdar Berdimuhamedow 6-njy sentýabrda geçiren Döwlet howpsuzlyk geňeşiniň mejlisinde gol çekdi.
Şeýle hem, Balkan welaýatynyň Türkmenbaşy şäher kazyýetiniň kazysy wezipesinde işlän Ahmetýar Saparow Ahal welaýat kazyýetiniň kazysy wezipesine bellendi. Güljan Babanazarowa bolsa, Lebap welaýat kazyýetiniň kazysy wezipesine bellendi.
«Kazyýet hakynda» Türkmenistanyň Kanunynyň 25-nji we 54-nji maddalaryna laýyklykda, Arkadag şäheriniň etraplaryna, birnäçe şäherlere we etraplara kazylar we olaryň orunbasarlary bellendi.
ORIENT news
