Türkmen kompaniýasy BAE-den Gazagystana 20 konteýner awtoulag eltip berdi
Türkmenistanyň “Halkara Gatnaw Logistika” hojalyk jemgyýeti 20 konteýner awtoulagy Birleşen Arap Emirliklerinden Gazagystana ýurdumyzyň çägi arkaly eltip berdi. Bu barada Gazagystanyň Nebit hyzmatlary kompaniýalar birleşiginiň baş direktory Nurlan Žumagulow mälim etdi.
Türkmenistan bilen Eýranyň we BAE-niň deňiz portlarynyň arasyndaky üznüksiz gatnaw eksport edijiler üçin uly mümkinçilikleri açýar. Bu babatda Türkmenistan bilen Eýranyň serhetýakasyndaky Sarahs gümrük nokadynyň uly ähmiýeti bardyr. Bu ugur Merkezi Aziýadan ýükleri Pakistana, Hindistana, Uzak Gündogar we Afrika döwletlerine ibermek üçin-de uly mümkinçiliklere eýedir.
“Demirgazyk – Günorta” halkara ulag geçelgesiniň gündogar şahasynda möhüm orny eýeleýän bu ugur Merkezi Aziýa we Pars aýlagyndaky döwletleriň arasynda söwda gatnaşyklaryny ösdürmek üçin giň mümkinçilikleri açýar.
ORIENT news
