Türkmenistan Azerbaýjana gaz eksportyny 2 esse artdyrdy
Şu ýylyň birinji ýarym ýylynda Türkmenistan Azerbaýjana gaz eksportyny geçen ýyldakydan 2 esse artdyrdy. Bu barada Azerbaýjanyň Döwlet statistika komiteti mälim edýär.
Degişli döwürde Türkmenistan 732 million kub metr “mawy ýangyjy” Hazar aňyrsyndaky goňşy döwlete eksport etdi. Bu babatdaky geçen ýylky görkeziji 292 million kub metrdi.
Satylan gazdan alnan girdeji hem 3 esse, ýagny 31,8 million dollardan 109,18 million dollara çenli artdy. 2022-nji ýyldan bäri, Türkmenistanyň Azerbaýjana tebigy gazy esasy eksport ediji ýurtlaryň biridigi bellärliklidir. Ýylda 3-4 milliard kub metr gazy swop şertnamasy esasynda Türkmenistandan Azerbaýjana ibermek boýunça Aşgabadyň, Tähranyň we Bakuwyň arasynda üçtaraplaýyn ylalaşyk baglaşylypdy.
Geçen ýylda Azerbaýjan Türkmenistandan 857 million kub metr, Russiýadan 93,2 million kub metr, Eýrandan 66 million kub metr tebigy gaz satyn aldy.
ORIENT news
