Syýahatçylyk pudagynyň Türkmenistanyň ykdysadyýetine täsiri öwrenildi
17-nji awgust – 5-nji sentýabra çenli döwürde Türkmenistanyň Statistika baradaky döwlet komitetiniň hünärmenleri BMG-niň Ösüş maksatnamasynyň guran okuw çärelerine gatnaşdylar. Okuwlar syýahatçylyk pudagynyň ýurduň ykdysadyýetine ýetirýän täsirini öwrenmekde möhüm bolan bu pudakda edilýän çykdajylary hasaplamaklyga bagyşlandy.
Aşgabadyň we “Awaza” milli syýahatçylyk zolagynyň syýahatçylyk agentlikleriniň wekilleriniň hem gatnaşan okuw sapaklarynda syýahatçylyk pudagynda edilýän hyzmatlara çykdajylarywe girdejileri hasaplap, pudagyň ösüşine umumy baha bermegi we ýagdaýlara görä görülmeli çäreleri öwrendiler.
Okuwlar BMG-niň Ösüş maksatanamasynyň we Statistika baradaky döwlet komitetiniň bilelikdäki taslamasynyň çäklerinde guraldy.
ORIENT news
