Türkmenistan Daşkent şäherinde geçiriljek halkara azyk sergisine gatnaşar
Sentýabr 07, 2023 | 09:48 |6190
Azyk senagaty, restoran işewürligi we oba hojalygy boýunça ýurdumyzyň hususy düzümleriniň wekilleri 24 – 26-njy oktaýbrda Özbegistanyň paýtagty Daşkentde geçiriljek halkara sergä gatnaşarlar. Bu barada uznews neşiri habar berýär.
Özbek paýtagtynda şu ýyl 26-njy gezek geçiriljek halkara sergä Hytaýdan, Täjigistandan, Hindistandan, Azerbaýjandan, Italiýadan, Gazagystandan, Koreýa Respublikasyndan, Polşadan, Türkiýeden we Özbegistandan hem wekiller gatnaşarlar.
Sergi meýdançasy 3 bölege: azyk önümleri, agrotehnologiýa we restoran biznesi ýaly ugurlara bölüner. Bularyň hersi boýunça täzelikleri Özbegistanyň Sergiler merkezinde ýaýbaňlandyryljak sergide görmek bolar.
ORIENT news
