Baýramaly şäherinde 24 sany 4 gatly ýaşaýyş jaýlary gurlar
Mary welaýatynyň Baýramaly şäherinde her bir 4 gatdan ybarat 24 sany ýaşaýyş jaýy gurlar. Bu gurluşyklary ýerine ýetirmek üçin bäsleşigiň bildirişi “Maru-Şahu Jahan” gazetinde çap edildi.
Gurluşyk işlerine gatnaşmaga gyzyklanma bildirýän taraplar özleriniň teklipnamalaryny hukuk ady, hasaba alyş güwänamasy we soňky 3 ýylda ýerine ýetiren taslamalary baradaky maglumatlary hem-de bäsleşige gatnaşmaga isleg bildirýändigi baradaky arzasy bilen tabşyrmalydyr. Tabşyrylmaly resminamalaryň hatarynda ýerine ýetirijiniň maddy-tehniki üpjünçiligi baradaky güwänama we Türkmenistanyň Senagatçylar we telekeçiler birleşmesiniň agzalygy baradaky şahadatnamanyň nusgasy hem bar.
Gurluşyk boýunça teklipler 17-nji sentýabra çenli Mary şäheriniň Çärjew köçesiniň 12-nji jaýynda kabul edilýär.
Habarlaşmak üçin telefon belgisi: +993 (522) 6-06-21.
ORIENT news
