Türkmen däne öndürijileri ekiş möwsümine başladylar
Köpçülikleýin güýzlük bugdaýyny ekmek işlerine 6-njy sentýabrda ýurdumyzyň ähli welaýatlarynda bir wagtda başlandy. Bu waka mynasybetli ýerli suratkeşleriň sergileri we çykyşlary bilen dabaralar guraldy. Däp bolşy ýaly, welaýatlaryň hormatly ýaşululary ýaş nesliň wekilleri bilen ilkinji tohumlary ýere okladylar, ondan soň bolsa, oba hojalygy tehnikalary ekin meýdanlaryna çykdylar.
Ekiş tehnikalary Sähraýy, Ýolöten-1 we Ýolöten-3, Juwan, Miras, Berkarar, Bagtyýarlyk, Garaşsyzlyk, Bitarap, şeýle-de «Батько» ýagny, krasnodar görnüşi ýaly iýmit bugdaýynyň tohumlary bilen hereket edýärler.
Welaýat we etrap häkimliginiň wekilleriniň, daýhan birleşikleriniň ýolbaşçylarynyň, agronomlaryň, mehanizatorlarynyň we kärendeçi däne öndürijileriniň gatnaşmagynda geçirilen seminarlar ekiş möwsüminiň başlanmagyna gabat geldi. Seminarlarda oba hojalygynyň häzirki zaman usullaryny we däne ösdürip ýetişdirmekde öňdebaryjy tejribäni ulanmak meselesi ýene bir gezek öwrenildi.
ORIENT news
