Türkmen tennisçisi Aziýa çempionatynda ýeňiji bolmagy başardy

Sentýabr 06, 2023 | 13:14 |6613

Türkmen sportçysy Ilima Guseýnowanyň gatnaşan Kambojadaky 14 ýaşa çenli ýetginjekleriň arasyndaky tennis boýunça Aziýa çempionaty badalga aldy. Ol ITF Aziýa ýetginjekler çempionatynyň birinji tapgyrynda hindi garşydaşy Suryanshi Şekhawaty ýeňip, üstünlik gazandy.

Ilima Guseýnowa, Aziýa adynyň ugrunda göreşýän Aziýanyň we Okeaniýanyň iň oňat 24 tennisçisiniň biridir. Ol Mirali Gasanowyň ýolbaşçylygynda “Aşgabat” tennis akademiýasynda tälim alýar we häzirki wagtda 14 ýaşa çenli ýetginjekleriň arasynda Aziýa reýtinginde 13-nji orunda durýar.

Aziýa çempionaty 9-njy sentýabra çenli dowam eder. Türkmen türgeni geljekde hem, çykyşlaryny ýokary derejede dowam etdirmek we gowy netijelere ýetmek isleýär.

ORIENT news