Türkmen türgenleri şotokan karate boýunça dünýä çempionatyna ugraýarlar

Sentýabr 06, 2023 | 11:52 |9990

8-nji sentýabrda Özbegistanyň paýtagty Daşkent şäherinde şotokan karate boýunça ulularyň we ýaşlaryň arasynda dünýä çempionaty badalga alýar. 2000 müň töweregi türgeniň gatnaşýan bu ýaryşyna ýurdumyzdan hem 62 türgen hem medallar ugrunda güýç synanyşarlar. 10-njy sentýabra çenli dowam etjek çempionata türkmen türgenleri bilen bilelikde emin agzalary hem gidýärler.

Şotokan karate boýunça dünýä çempionatynyň ozalkysy Çehiýanyň Pardubis şäherinde geçirilipdi. Şonda türkmen türgenleri ajaýyp netijeleri görkezip, jemi 102 medala we "Grand çempion" baýragynyň ikisine eýe boldular. Şol çempionatda ýurdumyzyň türgenleri gazanan medallary boýunça öý eýeleri - çehlerden we rumynlardan hem öňe saýlandylar.

ORIENT news