Aşgabatda administratiw çäreler boýunça kazylaryň okuwlary geçirilýär
Aşgabat şäherinde administratiw işler boýunça kazylaryň 5-nji sebitleýin okuw seminary geçirilýär. Merkezi Aziýa ýurtlarynyň kazyýet ulgamlarynyň wekilleriniň we halkara bilermenleriň gatnaşýan okuw seminary “Administratiw kazyýet jogapkärçiligi we administratiw çäreleriň görnüşleri” diýlip atlandyrylýar.
Halkara hyzmatdaşlyk boýunça german jemgyýetiniň sebitleýin maksatnamasynyň çäklerinde guralýan bu çäre 4-5-nji sentýabrda “Arçbil” myhmanhanasynyň maslahat zalynda geçiirlýär. Ol bu Jemgyýetiň Türkmenistanyň Ýokary kazyýeti hem-de Döwlet, hukuk we demokratiýa institutynyň “Merkezi Aziýada hukuk döwletliliginde hyzmatdaşlyk etmek” atly taslamanyň çäklerinde durmuşa geçirilýär.
Kazylaryň Aşgabatda geçirilen okuw maslahatyna Berlin şäheriniň administratiw kazyýetiniň kazysy Ýorga Pudelka, Konstitusion kazyýetiň we Federal ýerler boýunça ýokary administratiw kazyýetiň başlygy Reýnland Pfals, hukuk ylymlarynyň doktory Larsa Brokera, Durmuşa meseleleri boýunça federal kazyýetiň başlygynyň ozalky orunbasary Tomas Fýolske gatnaşdylar.
Merkezi Aziýa döwletleriň arasynda Gazagystan Respublikasynyň Ýokary kazyýetiniň administratiw işler boýunça adwokatlar kollegiýasynyň başlygy Aslan Tukiýew, Täjigistan Respublikasynyň Ýokary kazyýetiniň administratiw kollegiýasynyň başlygy Abdukahhor Tagozada, Bişkek şäheriniň administratiw kazysy Melis Tagaýew, Özbegistan Respublikasynyň Ýokary kazyýetiniň kazysy Nurli Žawliýew, türkmen tarapyndan bolsa, Ýokary kazyýetiň kazysy Gyzylgül Ýegenmämmedowa şahsy we onlaýn gatnaşyk görnüşde okuwlara gatnaşdylar.
ORIENT news
