Türkmenistanyň we Täjigistanyň daşary işler ministrleri Duşanbede geçiriljek duşuşyklary we sammiti ara alyp maslahatlaşdylar
Türkmenistanyň we Täjigistanyň Daşary işler ministrlikleriniň ýolbaşçylary ýakyn wagtda boljak ýokary derejedäki saparlary guramak barada telefon arkaly maslahatlaşdylar. Hususan-da, Türkmenistanyň Daşary işler ministri Raşid Meredow we täjigistanly kärdeşi Sirojiddin Muhriddin Merkezi Aziýa ýurtlarynyň döwlet Baştutanlarynyň Konsultatiw duşuşygynyň çägindäki daşary işler ministrleriniň ýygnagyna, taýýarlyk görlüşi barada pikir alyşdylar. Bu ýokary derejeli sammit indiki hepde, 14-nji we 15-nji sentýabrda Duşanbe şäherinde geçiriler.
Täjigistanyň Daşary işler ministrliginiň metbugat beýanatynda telefon söhbetdeşliginde diplomatlar özara ikitaraplaýyn hyzmatdaşlygy ösdürmegiň geljegi, sebit we halkara derejesinde möhüm meseleler boýunça özara gatnaşyklar barada pikir alyşdylar.
ORIENT news
