Nemes kompaniýalary türkmen bazaryna gyzyklanma bildirýär
Türkmenistanyň Mejlisiniň Başlygy Dünýägözel Gulmanowa Aşgabada iş sapary bilen gelen "Higgins CM" kompaniýasynyň baş menejeri Daniýel Walter we "PSE Engineering" kompaniýasynyň dolandyryjysy Markus Brendt bilen duşuşdy.
Söhbetdeşligiň barşynda nemes işewürlerliginiň türkmen bazaryndaky mümkinçilikleri, hyzmatdaşlygy ösdürmegiň gelejgi we ýollary, bilelikdäki taslamalary durmuşa geçirmek meseleleri ara alnyp maslahatlaşyldy. Şeýle hem, Türkmenistanyň durmuş-ykdysady ugurlaryny ösdürmek, bu ugurddaky bar bolan desgalary döwrebaplaşdyrmak, öňdebaryjy innowasiýalary we tehnologiýalary ornaşdyrmak meseleleri ara alnyp maslahatlaşyldy.
Nemes tarapy şeýle hem, suw we gysyjy enjamlary, ýerasty ammarlary gurmak we saklamak boýunça tehnologiýalary we beýleki ugurlarda öz öňlerinde goýla wezipeleri uly jogapkärçilikde ýeirne ýetirjekdiklerine ynandyrdylar we degişli ugurlarda öz tejribelerini türkmen tarapy bilen paýlaşmaga taýýardyklaryny mälim etdiler.
ORIENT news
