Dünýäde ilkinji bolup Singapurda pişikler üçin syýahat ýola goýuldy
Pişikler we olaryň eýeleri üçin deňiz gezelençleri ilkinji gezek Singapuryň “Tall Ship Adventures” kompaniýasy tarapyndan ýola goýuldy. Eýeleri we murtly öý haýwanlary ajaýyp peýzaža, feýerwerklere haýran galmak we wagtlaryny hoş geçirmek üçin iki sagatlyk ýüzüşe gidip bilerler.
Iki ýyl mundan ozal Singapurda it gezelençleri başlanypdy. Olar gaty meşhur boldular, şonuň üçin gurnaýjylar pişikler üçin hem, şuňa meňzeş gezelençleri guramak kararyna geldiler.
Bu deňiz syýahaty 47 metrlik kaşaň gämide bolup geçýär, onuň üstünde islendik häsiýetli guýrukly “ýolagçylar” (pişikler) üçin amatly şertler we güýmenje döredildi: haýwanlar biri-biri bilen “aragatnaşyk saklap”, deňiz kenarynda oýnamakdan we düşekde dynç almakdan lezzet alyp bilerler. Gezelenç başlamazdan ozal taslamanyň awtorlary weterinar lukmanlary we beýleki hünärmenler bilen pişigiň howpsuzlygy meseleleri boýunça maslahatlaşýarlar. Haýwanlara diňe eşikli ýagdaýda gämide bolup bilerler.
Gämidäki pişikleriň eýeleri üçin hem içgysgynç bolmaz ýaly köp görnüşli agşamlyk nahary we sungat işgärleriniň çykyşlary bolýar. Öý haýwanlary üçin bejergi göz öňüne tutulman, gurnaýjylar zerur bolsa pişikler üçin syýahatçylara ýanlary bilen nahar iýmegi maslahat berýärler.
Gezelenç bilediniň bahasy 166 dollar. Gämi Sentos adasynyň töwereginde aýlanýar we her gezekki gezelenç kiçijik feýerwerk bilen tamamlanýar diýip, “National News” portaly ýazýar.
ORIENT news
