Gazagystanyň okuwçylary we talyplary Türkmenistanda öndürilen okuw partalarynda okaýarlar
Täze okuw ýylynyň öňüsyrasynda “Aýbölek” mebel zawody Gazagystana mekdep partalaryny eksport etdi. Olarda Astanadaky Al-Farabi adyndaky Gazak milli uniwersitetiniň talyplary oturyp okuwlaryny okaýarlar. Ýakynda bu uniwersitetde 400 orunlyk täze bina açyldy, onuň synp otaglarynda bolsa, ýurdumyzda öndürilen partalar oturdyldy.
Gazagystanly mekdep okuwçylary hem “Aýbölek” okuw partalarynda okaýarlar. Bir ýyl mundan ozal kärhana Almaty şäherindäki orta mekdebe döwrebap paratalary iberipdi. 722 orunlyk bilim edarasy 2022-nji ýylyň güýzünde Gazagystanyň milli uniwersitetinde açyldy.
Kärhana ýerli çagalar baglaryny, mekdepleri we uniwersitetleri ýokary hilli mebeller bilen hem üpjün edýär. Mysal üçin, ýakynda Lebap welaýatynyň Kerki etrabynyň Gowak obasynda 160 çaga niýetlenen çagalar bagynyň enjamlaşdyrylyşyny doly tamamlady.
Mebel kompaniýasy Türkmenistanyň Bilim ministrliginiň buýrugy bilen ýene bäş müň parta öndürdi. Okuw partalary mekdebe çenli çagalar edaralaryna, mekdeplere we ýurduň ýokary okuw jaýlaryna iberilýär.
ORIENT news
