Serdar Berdimuhamedow wýetnamly kärdeşini gutlady
Prezident Serdar Berdimuhamedow Wýetnam Sosialistik Respublikasynyň Prezidenti Wo Wan Thyonga we ýurduň ähli halkyna Wýetnam Sosialistik Respublikasynyň Garaşsyzlyk güni mynasybetli ýürekden gutlaglaryny hem-de iň gowy arzuwlaryny iberdi. Bu barada Türkmenistanyň resmi metbugaty habar berýär.
Döwlet Baştutany şu mümkinçilikden peýdalanyp, Prezident Wo Wan Thyonga tüýs ýürekden berk jan saglyk, bagtyýarlyk we abadançylyk, Wýetnam Sosialistik Respublikasynyň ähli halkyna bolsa parahatçylyk, ösüş hem-de rowaçlyk arzuw etdi.
Wýetnam döwleti Garaşsyzlygyny 1945-nji ýylyň 2-nji sentýabrynda yglan etdi. Şol wagtky wagtlaýyn Hökümetiň ýolbaşçysy Ho Şi Min ýarym million töweregi wýetnamlylaryň gatnaşmagynda ýurduň özbaşdaklygy baradaky Jarnamany yglan etdi.
ORIENT news
