Türkmenistan we Özbegistan 2017-nji ýyldan bäri özara haryt dolanyşygyny 5 esse artdyrdylar
2017-nji ýyldan, Türkmenistan bilen Özbegistanyň arasyndaky strategik hyzmatdaşlyk hakyndaky Şertnama gol çekilendän bäri iki ýurduň arasyndaky haryt dolanyşygy 5 esse artdy.
2022-nji ýylyň netijeleri boýunça özara söwdanyň möçberi ABŞ-nyň 1 milliard dollaryna golaýlady.
Bu barada Özbegistan Respublikasynyň Türkmenistandaky ilçisi Akmalžon Kuçkarowyň 1-nji sentýabrda bellenilýän Özbegistanyň Garaşsyzlyk gününe bagyşlanan makalasynda aýdylýar.
Şeýle hem ilçi ýokarda ady agzalan Şertnama gol çekilen pursatyndan bäri sebitara kooperasiýasyna badalga berlendigini, Türkmenistanyň we Özbegistanyň telekeçileriniň Işewürlik geňeşiniň çäklerinde bilelikdäki işiň mehanizmleriniň döredilendigini belledi.
Mundan başga-da Özbegistanyň Türkmenistandaky ilçisi 2022-nji ýylyň oktýabrynda iki ýurduň arasynda Strategik hyzmatdaşlygy çuňlaşdyrmak hakynda gol çekilen Jarnamanyň uly ähmiýetini belledi. Bu resminama söwda-ykdysady, medeni-ynsanperwer hyzmatdaşlygyň giňeldilmegine uly itergi berýär.
ORIENT news
