"Balkan" gämigurluşyk zawodynda 2 sany gury ýük gämi gurlar
Sentýabr 02, 2023 | 22:59 |9308
"Balkan" gämi gurluşyk we abatlaýyş zawody» açyk görnüşli paýdarlar jemgyýeti «Türkmendeňizderýaýollary» agentligi üçin 2 sany gury ýük gämisini gurar.
Türkmenistanyň Prezidentiniň gol çeken Kararyna laýyklykda, Ministrler Kabinetiniň ýanyndaky Ulag we kommunikasiýalar agentliginiň «Türkmendeňizderýaýollary» agentligine iki sany gury ýük gämisini gurmak barada «Balkan» gämi gurluşyk we abatlaýyş zawody» açyk görnüşli paýdarlar jemgyýeti bilen şertnama baglaşmaga ygtyýar berildi.
Gury ýük gämileri dürli görnüşli ýükleri deňiz ýollary arkaly netijeli we amatly görnüşde äkitmäge şert döredýär. Olarda ýörite şertleriň bolmagyny talap etmeýän ýükler äkidilýär.
ORIENT news
