Prezident Serdar Berdimuhamedow Binagärlik-gurluşyk institutynyň täze binalar toplumynyň düýbüni tutdy
Ir bilen 1-nji sentýabrda -- Bilimler we talyp ýaşlar gününde hormatly Prezidentimiz Serdar Berdimuhamedow Türkmen döwlet binagärlik-gurluşyk institutynyň täze binalar toplumynyň düýbüni tutmak dabarasyna gatnaşdy.
Türkmenistanyň Prezidentiniň Kararyna laýyklykda bu ýokary okuw mekdebiniň täze binalar toplumynyň gurluşygyny “Ajaýyp gurluşyk” hususy kärhanasy ýerine ýetirer.
Desgany 2026-njy ýylyň sentýabr aýynda ulanmaga bermek meýilleşdirilýär.
TDBGI 2012-nji ýylda ýurdumyzyň binagärlik-gurluşyk, himiýa, energetika senagaty we ýol-ulag pudaklary üçin ýokary derejeli hünärmenleri taýýarlamak maksady bilen döredildi.
Häzirki wagtda institutda 7 fakultet we 26 kafedra hereket edýär. Onda 3 müňden gowrak talyp bilim alýar. Bu ýokary okuw mekdebi her ýyl 600-dan gowrak hünärmen taýýarlaýar.
ORIENT news
