Türkmenistanyň Karate federasiýasy Ýaponiýanyň hormatly sylagyna mynasyp boldy
Ýaponiýanyň ýurdumyzdaky ilçisi Ýamamoto Hiroýukiniň Türkmenistanyň Karate federasiýasynyň ýolbaşçysy Ýaşuzak Mämmetnazarow bilen duşuşygy geçirildi.
Duşuşygyň dowamynda ilçi sportuň şu görnüşini ösdürmekde bitiren hyzmatlary üçin Türkmenistanyň Karate federasiýasynyň başlygyna Ýaponiýanyň daşary işler ministriniň hormatly sylagyny gowşurdy. Ýeri gelende bellesek, Karate federasiýasy ýurdumyzda bu sport görnüşi boýunça yzygiderli ýaryşlary gurap gelýär.
Esaslandyrylan senesinden, ýagny 1978-nji ýyldan bäri türkmenistanly karateçileriň sany 40-dan 38 müňe çenli artdy, diýip Ýaponiýanyň Türkmenistandaky ilçihanasy özüniň sosial hasabynda mälim edýär.
Degişli sylagy bermek hakyndaky çözgüt 2020-nji ýylda kabul edilipdi, ýöne ony sylaglamak dabarasy dünýäni gurşap alan koronawirus ýagdaýlary sebäpli yza süýşürilipdi.
ORIENT news
