Özbegistana gelýän syýahatçylaryň sany boýunça Türkmenistan birinji onlukda
Ýylyň başyndan bäri Özbegistana 3,7 million daşary ýurtly syýahatçy geldi. Olar dünýäniň dürli künjegiden gelýär. Özbegistanyň statistika gullugy raýatlary syýahatçylyk maksady bilen Özbegistanyň şäherlerine baryp gören döwletleriň sanawyny düzdi.
Türkmenistanlylar bu sanawda altynjy orunda, ýagny şu ýylyň ýanwar-iýul aýlary aralygynda goňşy döwlete 39,6 müň adam baryp gördi. Täjigistanly syýahatçylar - 1,151,4 adama deň bolup, olar birinji ýeri eýeledi. Sanawda iň soňky orna düşenler – Germaniýadan gelen syýahatçylar, olaryň sany - 14,1 müň adamdan ybarat.
Şeýle hem, ilkinji bäşlige Gyrgyzystandan (912,8 müň adam), Gazagystandan (879,0 müň), Russiýadan (417,4 müň) we Türkiýeden (58,0 müň) gelen syýahatçylar girdi.
Mundan başga-da, Hindistandan, Günorta Koreýadan we Hytaýdan gelen syýahatçylar Özbegistana baryp, Beýik Ýüpek ýolunyň ugrunda ýerleşýän şäherlerde - Samarkandda, Buharada, Hywada we ýurduň beýleki künjeklerinde ýerleşýän binagärlik ýadygärliklerine, gözel we taryhy ýerlere syn etdiler.
Soňky ýyllarda Özbegistan hökümeti syýahatçylyk pudagyny işjeň ösdürýär we daşary ýurtly syýahatçylary özüne çekmek üçin dürli maksatnamalary we arzanladyşlary hödürleýär. Bu ýönekeýleşdirilen wiza proseduralaryny, syýahatçylyk zolaklaryny döretmegi we medeni çäreleri geçirmegi öz içine alýar.
ORIENT news
