Prezident Serdar Berdimhamedow Gyrgyzystanyň Garaşsyzlyk gününi gutlady
Prezident Serdar Berdimuhamedow Gyrgyz Respublikasynyň Prezidenti Sadyr Žaparowa we ýurduň ähli doganlyk halkyna Garaşsyzlyk güni mynasybetli ýürekden gutlaglaryny hem-de iň gowy arzuwlaryny iberdi.
“Gyrgyzystan garaşsyzlyk ýyllarynda döwlet gurluşyny berkitmekde, halkyň hal-ýagdaýyny gowulandyrmakda we özüniň halkara giňişlikdäki abraýyny has-da ýokarlandyrmakda uly netijeleri gazandy” diýlip, hatda aýdylýar.
Döwlet Baştutany häzirki wagtda döwletara dialogyň täze ugurlary we pudaklary öz içine alýandygyny hem-de täze mazmun bilen baýlaşdyrylýandygyny belläp, Türkmenistanyň Gyrgyz Respublikasy bilen öňden gelýän hoşniýetli dostluk däplerine esaslanyp, özara peýdaly hyzmatdaşlygy has-da ösdürmäge gyzyklanma bildirýändigini nygtady.
Hatda Prezident Sadyr Žaparowa tüýs ýürekden berk jan saglyk, bagtyýarlyk, rowaçlyk, Gyrgyz Respublikasynyň doganlyk halkyna bolsa parahatçylyk, mundan beýläk-de ösüş we abadançylyk arzuw edilýär.
ORIENT news
