Nädip hobbini düşewüntli işe öwürmeli
14-nji sentýabrda Türkmenistandaky Go Viral jemgyýeti Mary şäherinde «Nädip hobbini düşewüntli işe öwürmeli» ady bilen nobatdaky #GoNight duşuşygyny geçirer.
Duşuşyga gatnaşyjylar hobbiňi düşewüntli işe öwürmek hem-de Türkmenistanda öz işewürligiňi açmak we ösdürmek üçin nämeleri bilmelidigi barada maglumat alyp bilerler.
Bu çärä USAID taslamasynyň Türkmenistanda telekeçiligi we işewürlik gurşawyny ösdürmek boýunça hünärmeni Gülälek Wolmämmedowa başlyk edýär. Onuň hukuk, maliýe we marketing ulgamynda 15 ýyldan gowrak iş tejribesi bar. Şeýle hem ol Handmade Exports we DigiWomen Camp maksatnamalarynyň Türkmenistandaky utgaşdyryjysydyr.
Şeýle hem Handmade by Anna Saparova brendini esaslandyryjy Anna Saparowa özüniň işewürlikde gazanan üstünligi barada gürrüň berer. Ol hakykatdan hem özüniň hobbisini düşewüntli işe öwürmegi başardy we häzirki günde onuň önümleri dünýäniň 50-den gorwak ýurdunda tanalýar. Instagramda oňa 6 müňe golaý ýazyldy.
Duşuşyk Mary şäherinde Agzybirlik köçesiniň 42A jaýynda, Amerikan Burçynda geçiriler. Duşuşyk 14-nji sentýabrda sagat 16:00-dan 18:00-a çenli bolar.
Duşuşyga gatnaşmak üçin deslapdan onlaýn sowalnamany doldurmaly doldurmaly.
Merkezi Aziýadaky Go Viral jemgyýeti innowasialar, media we jemgyýetçilik taslamalary bilen gyzyklanýan döredijilik adamlaryň ulgamydyr. Jemgyýet festiwal, maslahat, workshop we hakaton ýaly dürli çäreleri guraýar. Bu çärelerde gatnaşyjylar öz pikirlerini, bilimlerini we tejribelerini paýlaşyp bilýärler, şeýle hem öz başlangyçlary üçin hyzmatdaşlary we maýadarlary tapýarlar.
ORIENT news
