Türkmenistanyň we Eýranyň kärdeşler arkalaşyklarynyň ýolbaşçylary Aşgabatda duşuşdylar
Eýran Yslam Respublikasynyň Kärdeşler arkalaşyklary konfederasiýasynyň prezidenti Ali Reza Mahjoubynyň başlyklygyndaky wekiliýet Türkmenistana amala aşyran iş sapary işjeň häsiýete eýe boldy. Bu barada “Türkmenistan” gazeti habar berýär.
Türkmenistanyň Kärdeşler arkalaşyklarynyň Milli merkeziniň wekilleriniň eýran wekiliýetiniň agzalary bilen geçirilen duşuşygynda netijeli hyzmatdaşlygyň möhüm ugurlary boýunça pikir alşyldy.
Dostlukly goňşy döwletiň wekiliýetiniň 14-nji sentýabra çenli Merkezi Aziýa ýurtlarynda dowam etjek bu saparyň esasy maksady sebitiň kärdeşler arkalaşyklarynyň işleri bilen giňden tanyşmakdan, halkara tejribeleri öwrenmekden ybaratdyr.
Aşgabada bolan 3 günlük saparynyň çäklerinde eýran wekiliýeti paýtagtymyzyň we onuň töwerekleriniň birnäçesine baryp gördüler.
ORIENT news
