Konsalting kompaniýalary Arkadag şäherindäki gurluşyk taslamasyna gatnaşmaga çagyrylýar
Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komiteti Arkadag şäherinde lukmançylyk we derman senagatynyň önümçiliginiň guruşygy üçin maslahat beriji kompaniýany kotirowka görnüşinde saýlamak boýunça halkara bäsleşigini yglan edýär. Bu barada “Türkmenistan” gazeti habar berýär.
Arkadag şäheriniň gurluşygynyň ikinji tapgyrynda senagat kärhanalaryny, şol sanda derman serişdeleriniň dürli görnüşlerini öndürmäge ýöriteleşen iri toplumy gurmak göz öňünde tutulýar. Gurluşyk işlerinde ekologiýa abadançylygynyň üpjün edilmegi ilkinji wezipeleriň hatarynda bolup durýar.
Gyzyklanma bildirýän konsalting kompaniýalarynyň haýyşnamalary we teklipleri 6-njy sentýabra çenli Arkadag şäher häkimliginde kabul edilýär.
Habarlaşmak üçin telefon belgileri: +993 12 57-29-08.
ORIENT news
