Ilkinji Russiýa – Saud Arabystany ýük otlusy Türkmenistandan geçdi
Şenbe güni Gülüstan welaýatynyň Gümrük müdirliginiň baş müdiri Şahriar Şahriari žurnalistlere Saud Arabystany Patyşalygyna barýan Russiýanyň ilkinji ýük otlusynyň Türkmenistan bilen serhetleşýän Inçeburun serhet geçelgesinden Eýrana geçip, ýurduň günortasyndaky Bandar Abbas portuna tarap ýola düşendigini aýtdy – diýip, Mehr habarlar agentligi habar berdi.
Günorta Ural demir ýolunyň Çelýabinsk-Gruzowoý bekedinden ýola çykyp, Demirgazyk-Günorta halkara ulag geçelgesi boýunça hereket edýän 42 konteýnerli otly Gazagystanyň, Türkmenistanyň we Eýranyň çäklerinden geçdi.
Otly elektrik enjamlaryny we reňkli metal alyp barýar.
Eýranyň resmisiniň aýtmagyna görä, gümrük nyrhnamalarynyň peselmegi netijesinde harytlary Demirgazyk — Günorta halkara ulag geçelgesi boýunça daşamagyň bahasy, takmynan iki esse azaldy.
Ozal Çelýabinsk-Gruzowoý bekedinden "Demirgazyk-Günorta" HUG boýunça Hindistana ilkinji konteýner otlusy iberilipdi.
Çelýabinsk oblastynyň ýolbaşçysy Alekseý Teksler Çelýabinskde ýükleri birleşdirmek bilen Gazagystanyň üstiünden Türkmenistana we Eýrana ýokary tizlikli ýük otlylarynyň gatnawyny ýola goýmak meselesiniň çözülýändigini habar berdi.
Bu ugur boýunça Ýewropa hindi, hytaý we gündogar Aziýa önümleriniň hem daşamagyna garaşylýar.
ORIENT news
