Bişkekde daşary ýurtly diplomatlar ýadygärlik medallar bilen sylaglandy
Gyrgyzystanda meşhur gyrgyz ýazyjysy, diplomat we döwlet işgäri Çingiz Aýtmatowyň 95 ýyllygynyň bellenilmeginiň çäklerinde daşary ýurt döwletleriniň diplomatik wekilhanalarynyň ýolbaşçylaryna ýadygärlik medallaryny gowşurmak dabarasy geçirildi, bu barada Gyrgyzystanyň Daşary işler ministrliginiň resmi telegram kanaly habar berýär.
Daşary ýurt ilçileri medeni gepleşikleri giňeltmäge we ýurtlaryň arasyndaky dostlukly gatnaşyklary berkitmäge goşan goşandy üçin sylaglandy. Bu çärä gatnaşan Gyrgyz Respublikasynyň Daşary işler ministriniň orunbasary Aýbek Moldogaziýew, Çingiz Aýtmatowyň ýigrimi ýyl ömrüni bagyş eden diplomatik missiýasyny dünýä jemgyýetçiliginde diplomatiýanyň möhümdiginiň mysaly hökmünde getirdi.
Bu çäre Gyrgyzystanyň Daşary işler ministrligi we "Çingiz Aýtmatowyň adyndaky Halkara Issyk-Kul forumy" jemgyýetçilik birleşigi tarapyndan gurnaldy.
ORIENT news
