Astrahanda Türkmenistanyň täze konsulyna garaşýarlar
Astrahan welaýatynyň gubernatory Igor Babuşkin, geçen ýylyň awgust aýyndan bäri Astrahanda Türkmenistanyň konsulynyň wezipesini ýerine ýetiren Nury Golliýew bilen iş duşuşygynyň çäginde diplomaty täze – Gyrgyzystanda Türkmenistanyň ilçisi wezipä bellenilmegi bilen gutlady.
Sebitiň ýolbaşçysy Nury Golliýewe täze işinde üstünlikler arzuw etdi. Şeýle hem gubernator oňa Astrahan welaýatynyň halkara hyzmatdaşlaryndan biri bolan Türkmenistan bilen köp ugurly hyzmardaşlygy berkitmekde eden goldawy we ýardamy üçin minetdarlyk bildirdi.
«Biziň dürli pudaklarda bilelikdäki taslamalarymyz bar. Olar «Demirgazyk- Günorta» ulag geçelgesiniň, gämi gurluşyk, syýahatçylyk, bilim we medeniýet bilen baglanşyklydyr. Türkmen kärdeşlerimiz bilen bilelikde olary üstünlükli durmuşa geçirjekdigimize men ynanýaryn», — diýip Igor babuşkin nygtady.
Nury Gölliýew öz gezeginde Astrahan welaýatynyň gubernatoryna we sebit häkimýetine eden ýardamlary üçin minnetdarlyk bildirdi. Şeýle hem, ol ähli öňde goýlan maksatlaryň gazanyljakdygyny belledi.
28-nji awgustda «Kaspi möwsümleri» klassiki sungatyň halkara festiwalynyň çäginde Türkmenistanyň güniniň geçýändigini bellemelidiris. Sebite beýik şahyr we filosof Magtymguly Pyragy barada dokumental filmi taýýarlamak üçin Aşgabatdan kino topary geldi. Geljek ýyl Astrahan welaýatynda türkmen şahyrynyň doglan gününiň 300 ýyllygyna bagyşlanyp çäreler geçiriler.
ORIENT news
