«Türkmenfilm» daşary ýurtlarda Magtymguly Pyragy barada dokumental filmleri surata düşürer
Oguz han adyndaky "Türkmenfilm" kinostudiýasy daşary ýurtlarda Magtymguly Pyragy hakynda dokumental filmleri surata düşürip başlar. Türkmen kinematograflary Astrahan sebitinde (Russiýa), Azerbaýjanda, Özbegistanda, Eýranda we Türkiýede işlärler.
Ýaş režissior Batyr Batyrowyň ýolbaşçylygyndaky türkmen kinematograflarynyň ilkinji topary eýýäm Astrahana bardylar. Taryhy maglumatlarda, Magtymgulynyň goşgularynyň rus dilinde 1912-nji ýyldaky ilkinji neşiriniň şu ýerde bolandygyny görkezilýär. Şeýle hem, rus şäherinde beýik şahyryň ýadygärligi guruldy we Türkmenistanyň Prezidentiniň başlangyjy bilen gurlan Priwolžskiý etrabynyň Funtowo obasyndaky mekdep onuň adyny göterýär. Bu ýerlerden düşürilen suratlar geljekki dokumental filme hem goşular.
Goýujy-režissior Maksat Gylyjewiň ýolbaşçylygyndaky ýene bir film topary birnäçe günden Magtymguly Pyragynyň ady bilen baglanyşykly dürli ýerlerde dokumental filmi surata düşürmek üçin Azerbaýjana ugradylar.
Türkmen režissiorlarynyň indiki surata düşürjek filmleri, Magtymgulynyň öwrenen, baryp gören we ýaşan ýerleri bolan Özbegistanyň, Eýranyň we Türkiýäniň taryhy ýerlerinde bolar.
Dokumental filmlerde türkmen şahyrynyň we filosofynyň ruhy we şahyrana mirasy we eserleriniň beýleki ýurtlaryň medeniýetlerine täsiri barada gürrüň berler. “Türkmenfilm” birleşigi tarapyndan XVIII asyrda nusgawy türkmen we dünýä edebiýatynda yz goýan Magtymguly Pyragynyň 300 ýyllygyny bellemäge taýýarlyk görmegiň çäginde döredijilik taslamasy başlandy.
ORIENT news
