Türkmen boksçylary Gazagystanda geçirilen halkara ýaryşda alty medal gazandy
Aktau (Gazagystan) şäherinde 23-nji awgustdan 26-njy awgusta çenli geçirilen halkara ýaşlar ýaryşynda türkmen türgenleri alty – bir altyn, iki kümüş we üç bürünç medallary aldylar.
Türkmen topary üçin ýeke-täk altyn medal 57 kilograma çenli agram derejesinde üstünlikli bäsleşen Ysmaýyl Gurbanberdiew getirdi.
Hangeldi Lukmanow 46 kilograma çenli agram derejesinde kümüş medal bilen sylaglandy. Ýene bir kümüş medalyň eýesi 48 kilograma çenli agram derejesinde Şanur Artykbaýew boldy.
Halkara ýaryşda bürünç medal gazananlar Mekan Sabyrow (51 kg çenli), Sapargeldi Nuryagdyýew (67 kg çenli) we Mustafa Muhammetdurdyýew (92 kg-dan gowrak) boldy.
Öň türkmen boksçylary 4-14-nji awgust aralygynda Belarusda geçirilen GDA ýurtlarynyň II oýunlarynda iki bürünç medal gazandylar. Olaryň eýeleri Ylham Nazarow we Yhlas Bagtyýarow boldy.
ORIENT news
