Türkmenistanyň Stambuldaky Baş konsuly resmi taýdan işe başlady
Türkmenistanyň Türkiýe Respublikasyndaky Baş konsuly (Stambul şäheri) Muhammetnur Öwezow Türkiýäniň Daşary işler ministrliginiň Konsullyk işleri boýunça baş müdirliginiň direktory Nurdan Erpulat Altyntaşa Konsullyk patentini gowşurdy.
"Duşuşykda taraplar Türkmenistan bilen Türkiýe Respublikasynyň arasyndaky syýasy-diplomatik, söwda-ykdysady, medeni-ynsanperwer ulgamlardaky özarabähbitli gatnaşyklaryň ösüşine kanagatlanma bildirdiler" diýip, Türkmenistanyň Daşary işler ministrliginiň bu waka bilen baglanyşykly beren habarynda aýdylýar.
Diplomatlar iki dogan döwletiň arasyndaky gatnaşyklary çuňlaşdyrmak we giňeltmek üçin ähli tagallalary etjekdiklerini nygtadylar.
Muhammetnur Öwezow ozal Gazagystanyň Aktau şäherinde Türkmenistanyň konsuly bolup işleýärdi. Täze wezipesinde Kataryň ilçisi wezipesine bellenen Myratgeldi Seýitmämmedowyň ornuny tutdy.
ORIENT news
