Türkmenistanda dokma senagatynyň önümçiligi artdy
Awgust 26, 2023 | 10:38 |4980
Türkmenistanyň Ministrler Kabinetiniň Başlygynyň orunbasary Batyr Atdaýew Dokma senagaty ministrligine degişli kärhanalarda önümçiligiň artandygy barada 25-nji awgustda şu ýylyň geçen 7 aýynda ýerine ýetirilen işleriň jemlerine bagyşlanyp geçirilen Hökümet mejlisinde habar berdi.
Türkmenistanyň Döwlet habarlar agentliginiň mälim etmegine görä, Dokma senagaty ministrligi boýunça geçen ýylyň degişli döwri bilen deňeşdirilende, nah ýüplügiň öndürilişi 103 göterime, nah matalar 107,2 göterime, tikin we trikotaž önümleri 101,3 göterime, gön önümleri 114,2 göterime barabar boldy.
Şu ýylyň ýedi aýynda «Türkmenhaly» döwlet birleşigi boýunça önüm öndürmegiň meýilnamasy 107,1 göterim ýerine ýetirildi.
ORIENT news
