Türkmenistan betbagtçylykdan ejir çeken Russiýa Federasiýasynyň Primorskiý sebitine ynsanperwerlik kömegini iberer
Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy Russiýa Federasiýasynyň Primorskiý kraý sebitinde tebigy hadysalardan ejir çeken çagalar üçin sebite ynsanperwerlik kömegini iberer.
Türkmenistanyň Prezidentiniň gol çeken buýrugyna laýyklykda, Dokma senagaty ministrligine hem-de Senagatçylar we telekeçiler birleşmesine Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy bilen hyzmatdaşlykda degişli harytlardan we azyk önümlerinden ybarat bolan ynsanperwerlik kömegini Russiýa Federasiýasynyň Primorskiý kraý sebitiniň çagalary üçin taýýarlamak hem-de muzdsuz bermek tabşyryldy.
Daşary işler ministrligine ynsanperwerlik kömeginiň iberilmegini we gowşurylmagyny guramaçylykly geçirmäge borçly edildi – diýlip, türkmen teleradioýaýlymlarynyň habarlar gepleşiginiň agşamky sanynda habar berildi.
ORIENT news
