Türkmen hünärmenleri Urumçide sanly tehnologiýalar boýunça foruma gatnaşdylar
Hytaýyň Urumçi şäherinde geçirilen iki günlük "Durnukly ykdysady ösüş üçin sanly tehnologiýalary ornaşdyrmak" forumyna Türkmenistan bilen birlikde dünýäniň dürli künjeklerinden 150-den gowrak işgär, bilermen, alym we telekeçi gatnaşdy.
Türkmen delegasiýasyna Ylymlar akademiýasynyň, Söwda-senagat palatasynyň we ýurduň ÝOM-niň alymlary wekilçilik etdi. Bu çäre Türkmenistan ýaly 11 agza döwleti öz içine alýan Merkezi Aziýa sebitleýin ykdysady hyzmatdaşlygy instituty tarapyndan gurnaldy. Forumyň esasy mowzuklary Merkezi Aziýa sebitleýin ykdysady hyzmatdaşlygy ýurtlarynyň sanly strategiýalaryny işläp düzmek, möhüm infrastrukturany ösdürmek we amatly maýa goýum gurşawyny döretmek ýaly meselelere bagyşlandy. Çykyş edenler ýaşyl, durnukly we inklýuziw ösüş üçin häzirki zaman tehnologiýalarynyň ulanylmagyna aýratyn üns berdiler. Hökümetleriň wekilleri we işewür adamlary öz ýurtlarynda sanly tehnologiýalary ornaşdyrmak boýunça öz tejribeleri bilen paýlaşdylar – diýip, Türkmenistanyň Halkara habarlar merkezi habar berýär.
ORIENT news
