Ýewropa Energetika bileleşiginiň ýolbaşçysy türkmen diplomaty bilen duşuşdy
Türkmenistanyň Ýewropa Bileleşiginiň ýanyndaky wekilhanasynyň ýolbaşçysy Sapar Pälwanow Ýewropa Energetika bileleşiginiň Baş sekretary Adel El Gammal bilen energetika pudagynda möhüm meseleleri ara alyp maslahatlaşdy. Bu barada Türkmenistanyň Belgiýadaky ilçihanasy habar berýär.
Taraplar Ýewropa Energetika bileleşiginiň Türkmenistanyň ýangyç-energetika ugurly institutlary bilen hyzmatdaşlygynyň geljegine garadylar. Şeýle hem Howanyň üýtgemegi bilen bagly Pariž ylalaşygyny durmuşa geçirmegiň çäklerinde, hyzmatdaşlyk strategiýasyna baha berildi.
Ýewropa Energetika bileleşigi sebitde täjirçilik ugurly bolmadyk az uglerodly energetika boýunça ylmy gözlegleri alyp barýan iri guramalaryň biridir. Ol az uglerod bölüp çykarýan tehnikalary, innowasion materiallary we ulgamlary işläp taýýarlamak bilen meşgullanýar. Ol 30 döwletde ýerleşýän 250 edara-kärhananyň we guramanyň eergetika tehnologiýalary ornaşdyrmak boýunça strategik meýilnamasyny esasy durmuşa geçirileriň biridir.
ORIENT news
