Gök we bakja ekinleriň bol hasyly bu önümleriň bahalaryny has elýeterli edýär
Lebap welaýatynda gök we bakja ekinleriň bol hasylynyň ýetişdirilmegi bilen bazarlarda bu önümleriň bahalarynyň has-da elýeterli bolýandygyny göze ilmek bolýar. Bu barada “Türkmen gündogary” gazeti habar berýär.
Häzirki wagta çenli welaýatda 76,8 müň tonna gök önümleri, 28,9 müň tonna miwe we ir-iýmişler, hem-de 95,7 müň tonna ýeralma ýygnaldy. Bu geçen ýylyň degişli döwründäkiden ep-esli ýokarydyr.
Şeýlelikde, alnan bol hasylyň netijesinde, sebitiň bazarlarynda we söwda merkezlerinde pomidoryň bahasy 21,5 göterim, hyýar 10 göterim, sogan 9,7 göterim, kelem 9,2 göterim, turp 9,2 göterim, kelem 8 göterim, ýeralma 2,1 göterim arzanlady. Şeýle hem, sebitiň söwda nokatlarynda günebakar ýagyň 21 göterim, greçkanyň 6 göterim, ýokary hilli unuň hem 4,6 göterim arzanlandygy göze ilýär.
Iýmit önümleriniň bahalarynyň arzanlamagy içerki we daşarky bazarda bu önümleri öndürijileriň arasynda ýokary bäsdeşligiň döremegine getirýär.
ORIENT news
