Türkmen ilçisi Katar Döwletiniň Daşary işler ministrliginiň wekilleri bilen duşuşdy
Awgust 23, 2023 | 13:20 |4540
Türkmenistanyň Katar Döwletindäki Adatdan daşary we Doly ygtyýarly ilçisi Myratgeldi Seýitmämmedow bu döwletiň Daşary işler ministrliginiň maliýe we dolandyryş işleri müdiriýetiniň müdiri Saad Muhammed Al-Tamim bilen duşuşdy. Bu barada Türkmenistanyň Katar Döwletindäki ilçihanasy habar berýär.
Duşuşykda iki döwletiň arasyndaky hyzmatdaşlyk meseleleri hem-de dostlukly gatnaşyklara ýardam bermegiň ugurlary ara alnyp maslahatlaşyldy.
Katar Döwletindäki türkmen ilçisi mundan ozal hem, ýurduň Daşary işler ministrliginiň birnäçe wekilleri bilen duşuşyklary geçirdi. Şu ýyl Aşgabat we Doha ikitaraplaýyn we köptaraplaýyn esasda özara gatnaşyklary işjeňleşdirmegi maksat edinýärler.
ORIENT news
