Ahal welaýatynda täze desgalar we ýollar gurlar
Ahal welaýatynyň häkimligi welaýatda medeni-durmuş maksatly binalary, desgalary, inžener üpjünçiligi ulgamlaryny hem-de awtomobil ýollaryny (köçeleri) täze gurmak we bar bolanlaryň durkuny täzelemek boýunça bäsleşik yglan etdi. Bu barada “Türkmenistan” gazeti habar berýär.
Welaýat häkimligi bu işlere gatnaşmak isleýän ýerli gurluşyk kärhanalaryny potratçy hökmünde gatnaşmaga çagyrýar. Ähli isleg bildiren ýuridik taraplar öz gurluşyk tekliplerini Änew şäheriniň Ahal köçesiniň 4-nji jaýynda ýerleşýän Ahal welaýatynyň Düýpli gurluşyk müdirligine ýollap bilerler.
Ahal welaýaty ýurdumyzyň merkezi durmuş-ykdysady sebiti bolup, ol ýurduň gündogaryny günbatar bilen birleşdirýän möhüm ulag çatrygynda ýerleşýär. Şeýle hem, onuň çäginde ýurduň paýtagty, iri senagat kärhanalary ýerleşýär.
Habarlaşmak üçin telefon belgileri: (+993 137) 33-4-17, 33-5-40.
ORIENT news
