Gyrgyzystanda gümrük tölegleri üçin ykjam goşundy döredildi
Indi Gyrgyzystanda gümrük tölegleri internet elýeter bolan islendik ýerde telefondan hiç hili nobatsyz amala aşyrylyp bilner. Ýurtda ýük daşaýjylaryň işini ep-esli aňsatlaşdyrjak we wagtyny tygşytlajak ykjam programma döredildi.
Täze töleg ulgamy gümrük hyzmatlaryny sanlylaşdyrmak maksatnamasynyň çäginde işlenip düzüldi. Bu taslama gümrük paçlaryny tölemegiň tertibini ýönekeýleşdirmek we gümrük taýdan resmileşdirme işini çaltlaşdyrmak üçin döredildi.
Gyrgyzystanyň Döwlet gümrük gullugynyň metbugat beýanatyna görä, bu programma goşmaça gümrük tölegleri tölenmeli ýa-da walýuta hümmeti tapawudy bolan ýagdaýynda has amatlydyr.
Ozal ýük daşaýjylar uzyn nobatlarda durup, kassada töleg geçirýärdiler. Täze hyzmaty ulanmak üçin "РСК 24" atly ykjam programmany ýükläp almaly, onda "Gümrük tölegleri" bölümi elýeterli bolar. Eýýäm ýük daşaýjylaryň 200-den gowragy täze "sanly kassadan" peýdalanyp, elektron tehnologiýanyň artykmaçlyklaryna ýokary baha berdiler.
ORIENT news
