Türkmen tennisçileri 12 ýaşa çenli türgenleriň arasynda geçirilýän Aziýa çempionatynda çykyş eder
11-17-nji sentýabr aralygynda Gazagystanyň Şymkent şäherinde tennis boýunça 12 ýaşa çenli çagalaryň arasynda geçiriljek Aziýa çempionatynyň jemleýji tapgyryna Türkmenistanyň ýaşlar ýygyndy topary gatnaşar.
2023-nji ýylyň iýunynda Aşgabatda geçirilen saýlama ýaryşynda üstünlikli çykyş etmegi we jemleýji ikinji orna mynasyp bolmagy milli ýygyndy toparyna çempionatyň jemleýji tapgyryna gatnaşmaga mümkinçilik berdi.
19-20-nji awgustda Türkmenistanyň Tennis federasiýasynyň (FTT) başlygy Eziz Döwletowyň Aziýada sportuň şu görnüşini ösdürmek boýunça ýolbaşçylar üçin seminara gatnaşandygyny ýatlatmak isleýäris.
Seminar Aziýa tennis federasiýasynyň (AFT) howandarlygynda Kuala-Lumpurda (Malaýziýa) geçirildi we oňa 32 ýurduň wekilleri gatnaşdy.
Döwletow forumda Aziýa tennis federasiýasynyň ýolbaşçylary bilen duşuşdy we sebitde sportuň şu görnüşini mundan beýläk-de ösdürmek we ýaýbaňlandyrmak meýilnamalaryny ara alyp maslahatlaşdy.
ORIENT news
