Türkmen pälwanlary Rumyniýada geçirilen halkara ýaryşda üç medal gazandy
Grek-rim we erkin göreş boýunça türkmen pälwanlary 17-nji awgustdan 20-nji awgust aralygynda Buharestde (Rumyniýa) geçirilen Ion Cornianu & Ladislau Simon halkara ýaryşynda üç medal gazandylar. Bu barada ýurdumyzyň bedenterbiýe we sport boýunça döwlet komitetine ORIENT-iň habarçysyna habar berdiler.
Erkin göreşiň wekilleri bir altyn we bir kümüş medal gazandy.
92 kilograma çenli agram derejesinde “Türkmen Edermen” ýörite maksatly toparyň ikinji bölüminiň mugallymy Döwletmyrat Orazgylyjow çempion boldy.
Türkmen döwlet bedenterbiýe we sport institutynyň dördünji ýyl talyby Gurbanmyrat Öwezberdiýew 55 kilograma çenli agramda kümüş medal bilen sylaglandy.
Türkmen ýygyndysyna ýene bir medal grek-rim stilinde 55 kilograma çenli agram derejesinde altyn medaly gazanan Umyt Berdýew getirdi.
Ion Cornianu & Ladislau Simon ýaryşyny gurnaýjylar Birleşen Göreş Dünýäsi we Rumyniýanyň sportyň bu görnüşi boýunça federasiýasy bolup, 36 ýurtdan türgenleri ýygnadylar.
ORIENT news
