OCA türgenler komitetine geçirilen saýlawlarda 26 dalaşgäriň ikisi Türkmenistandan
Hytaýyň Hançžou şäherinde geçiriljek 19-njy Aziýa oýunlarynyň dowamynda geçiriljek Aziýa Olimpiýa Geňeşiniň türgenler komitetiniň saýlawlaryna jemi 26 dalaşgär hödürlenýär.
23-nji sentýabrdan 8-nji oktýabr aralygynda Hançžou şäherinde geçiriljek Aziýa oýunlarynda türgenler ilkinji gezek taryhy waka gatnaşarlar, ýagny olar OCA türgenler komitetine 10 agzany - Gündogar Aziýa, Günorta Aziýa, Günorta-Gündogar Aziýa, Merkezi Aziýa we Günbatar Aziýa, umuman bäş Aziýa zolagynyň hersinden iki – bir erkek we bir zenan agzany saýlarlar.
Merkezi Aziýadan üç erkek we üç zenan dalaşgäriň arasynda Türkmenistandan iki türgen bar. Olar Merdan Ataew (suwda ýüzmek) we Zülhumar Daşkinowa (dzýudo). Olardan başga-da, Eýrandan iki, Özbegistandan we Owganystandan hersinden bir dalaşgär bar. Ähli dalaşgärleriň atlary OCA saýtynda çap edildi.
Dalaşgärlere bildirilýän talaplar: ýaşy 18-e ýeten bolmaly, Hançžou şäherinde geçirilýän 19-njy Aziýa oýunlaryna işjeň gatnaşýan türgen, MOK tarapyndan hödürlenen we iňlis dilinde netijeli gürleşip bilýän bolmaly.
Saýlaw tapgyry Hançžou Aziýa oýunlarynyň açylyş dabarasyndan bir gün soň başlar we ýapylyş dabarasyndan iki gün öň tamamlanar, takmynan 15 müň türgeniň ses bermäge hukugy bolar. Her zolakdan iň köp ses alan iki türgen OCA türgenler komitetiniň agzalygyna saýlanar.
Türgenler komitetine saýlaw geçirmek karary mart aýynda Taýlandyň Bangkok şäherinde geçirilen OCA/Olimpiýa raýdaşlygy türgenler forumynda kabul edildi, oňa 44 milli olimpiýa komitetinden jemi 89 adam gatşady.
Bu komitet Aziýada türgenleriň öndürijilik standartlaryny ýokarlandyrmak we olar üçin ýaryşlar üçin mümkinçilikleri döretmek maksady bilen gyzyklanmalaryny öňe sürmek; türgenler bilen Geňeşiň arasyndaky gatnaşyklary berkitmek we olary kämilleşdirmek üçin teklipler bermek ýaly meseleler bilen meşgullanar. Toparyň başlygy/agzalary Oýunlar döwründe her gün missiýalaryň ýolbaşçylarynyň duşuşyklaryna gatnaşarlar we öz netijelerini OCA-nyň prezidentine we iş komitetine habar bererler.
OCA türgenler komitetine saýlawlar Aziýa oýunlary wagtynda her dört ýyldan bir gezek geçiriler.
ORIENT news
